Bona Annada 2021 !

Tota la cola de Catinou e Jacouti vos desira una Bona Annada plan granada, plan acompanhada e una bona santat a totes !
Esperam que lo cocovirus nos daissara tranquilles per venir jogar e vos tornar  veser en 2021.
Amistats e potons… ambe la masqueta !

Per començar l’annada dins la bona umor vaqui un conte (inspirat d’una istòria de Mouly) que se pot titolar « Jacouti et les gestes barrières ».
Bona lectura.

La setmana passada Jacouti se mainèt que li mancava de solucion idroalcoolica per se desinfectar las mans … e las amigdalas. S’en anèt a Tolosa ambe l’autobus per se crompar de riquiqui 90° tres estelas. Lo bus èra emplenat de monde : pas cap de sèti per pausar lo tafanari ! Al mièg del corredor se quilhava una granda femna de fòrta peitrina surmontada du col long. Pus naut son nas èra amagat per una mena de mocador estacat a las aurelhas ambe de cordèls d’elastic « Le Parfait ». Semblava una girafa enraumassada. Quant montèt dins lo bus, Jacouti s’en anèt se botar just a costat de la femnasa. Aquo èra pas una bona idèa ! Coma nòstre Jacouti n’es pas trop grand de talha aviá la carra al nivèl de las popas de la dama ; atal a cada saquejadissa de l’estrada se preniá de serias de « revira-vai-t’en » poparos dins lo morre. A la fin son nas n’en venguèt violet coma una aubergina. Lo camin passèt… A la davalada del bus a Tolosa lo Jacouti estomacat vegèt la femna fòrta que discutissiá ambe una amiga. Aquela se planhiá que lo mond aplicava pas tròp las nòrmas sanitàrias anticoconavirus. Alara la femna poparosa li respondèt : « è ben ! per ieu va plan, qu’ai tot çò que cal per far respectar la distància reglamentària d’un bon mètre almens ! »

Cric e crac, mon conte es acabat (Ch. Escribe)